நீங்கள் தேடியது "கைப்பந்து போட்டி"

செய்துங்கநல்லூர்:

தமிழ்நாடு முஸ்லீம் முன்னேற்ற கழகம் சமூக நீதி மாணவர் இயக்கம், மனித நேய மக்கள் கட்சி இணைந்து செய்துங்கநல்லூரில் கைப்பந்து போட்டி நடத்தப்பட்டது. த.மு.மு.க ஒன்றிய தலைவர் ஒலிபிக் மீரான் தலைமை வகித்தார். மாவட்ட வர்த்தக அணி செயலாளர் இம்ரான்கான், சமூக நீதி மாணவர் இயக்க மாவட்ட செயலாளர் அசார், த.மு.மு.க கிளை தலைவர் கிர்ஷாத் ஆகியோர் முன்னிலை வகித்தனர். போட்டியில் 8 அணியினர் பங்கேற்றனர்.

இறுதி போட்டியில் என்.எஸ்.கே. அணியினரும், எஸ்.டி.என்.ஆர் அணியினரும் மோதினர். போட்டி நடுவராக மாஹீன், ஆதில் ஆகியோர் பணியாற்றினார். இதில் 2க்கு 1 என்ற கணக்கில் என்.எஸ்.கே அணி வெற்றி பெற்றது. 3-வது பரிசை டி.எம்.எம்.கே அணி பெற்றது.

போட்டியில் வெற்றி பெற்றவர்களுக்கு பரிசு வழங்கப்பட்டது. முதல் பரிசை த.மு.மு.க கிளையும், இரண்டாவது பரிசை கொம்பையா பாண்டியனும், மூன்றாவது பரிசை ராஜ்பாண்டியனும் வழங்கினர். நிகழ்ச்சியில் மாநில அமைப்பு செயலாளர் உஸ்மான்கான், பா.ம.க. மாநில துணை தலைவர் கசாலி, தோணி அப்துல் காதர், த.மு.மு.க மாவட்ட தலைவர் ஆசாத், ம.ம.க மாவட்ட செயலாளர் மோத்தி, மாவட்ட செயற்குழு காஜா முகைதீன் உள்பட பலர் கலந்து கொண்டனர்.

விழா ஏற்பாடுகளை பிரகான், ஹாரிஸ், நிய முத்துல்லா, பைசல்சமீர், ஆமீர், செய்யது, இம்ரான், அபுஹீரைரா முஸ்தாக், போத்திஸ் தமீம், ஜாவித், அப்சர், முசரப் ஜலால், ரில்வான், உளவஸ், யூசுப் உள்பட பலர் செய்திருந்தனர். #tamilnews

ஜெயங்கொண்டம்:

தமிழ்நாடு விளையாட்டு மற்றும் உடற்கல்வியியல் பல்கலைக்கழக கல்லூரிகளுக்கு இடையேயான ஆண்கள் கைப்பந்து போட்டி சிவகங்கை மாவட்டம் காரைக்குடி அருகில் உள்ள கோவிலூர் ஆண்டவர் உடற்கல்வியியல் கல்லூரியில் மூன்று நாட்கள் நடைபெற உள்ளது.

இதில் பங்கேற்கும் அரியலூர் மாவட்டம் தத்தனூர் மீனாட்சி உடற்கல்வியியல் கல்லூரி மாணவர்களுக்கு, பயிற்சியாளர்கள் பேராசிரியர் திருமுருகன், அமர்நாத், அன்பரசன், பிரேம்குமார் ஆகியோர் கடந்த 30 நாட்களாக கல்லூரி வளாகத்தில் பயிற்சி அளித்தனர்.

இதை தொடர்ந்து போட்டியில் பங்கு பெறும் 16 மாணவர்களுக்கும் கல்லூரி தாளாளர் ரகுநாதன் வெற்றி பெற வாழ்த்துகள் தெரிவித்து வழியனுப்பி வைத்தார்.

இதில் சிறப்பாக விளையாடும் வீரர்கள் தென்னிந்திய அளவில் நடைபெறவுள்ள பல்கலைக் கழகங்களுக்கு இடையேயான கைப்பந்து போட்டியில் கலந்து கொள்ள தேர்வு செய்யப்படுவார்கள். #tamilnews

சென்னை:

சென்னை மாவட்ட கைப்பந்து சங்கம் சார்பில், சான் அகாடமி ஆதரவுடன் 2-வது மாநில பள்ளி கைப்பந்து சாம்பியன்ஷிப் போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நாளை (புதன்கிழமை) முதல் 21-ந் தேதி வரை நடக்கிறது. இதில் ஆண்கள் பிரிவில் வேலம்மாள் (சென்னை), செயின்ட் அந்தோணி (தஞ்சாவூர்), செயின்ட் பீட்டர்ஸ் (சென்னை), காஜா மியான் (திருச்சி) உள்பட 37 அணிகளும், பெண்கள் பிரிவில் பாரதியார் (ஆத்தூர்), செயின்ட் ஜோசப்ஸ் (சென்னை), செயின்ட் மேரிஸ் (சேலம்), அரசு மேல்நிலைப்பள்ளி (ஈரோடு) உள்பட 20 அணிகளும் கலந்து கொள்கின்றன. இந்த போட்டியில் முதல் 4 இடங்களை பிடிக்கும் அணிகளுக்கு பரிசு கோப்பை மற்றும் பரிசுகள் வழங்கப்படும். அத்துடன் போட்டியில் சிறந்து விளங்கும் 5 வீரர்கள், 5 வீராங்கனைகளுக்கு டாக்டர் பா.சிவந்தி ஆதித்தனார் நினைவு விருது வழங்கப்படும். இந்த விருதை பெறும் வீரர்-வீராங்கனைகளுக்கு தலா ரூ.3 ஆயிரம் அளிக்கப்படும். நாளை மாலை 5 மணிக்கு நடைபெறும் தொடக்க விழாவில் வருமான வரி கூடுதல் கமிஷனர் ஏ.சசிகுமார் சிறப்பு விருந்தினராக கலந்து கொண்டு போட்டியை தொடங்கி வைக்கிறார்.

இந்த தகவலை சென்னை மாவட்ட கைப்பந்து சங்க தலைவர் ஆர்.அர்ஜூன் துரை, செயலாளர் ஏ.கே.சித்திரைபாண்டியன், பொருளாளர் ஏ.பழனியப்பன் ஆகியோர் தெரிவித்தனர்.